Денеска во Кривичниот суд во Скопје во 11 е закажано рочиште на кое на активистот на Шарената револуција Павле Богоевски ќе му се суди учество во протестите.
Тој е обвинет за учество во толпа што ќе изврши кривично дело.
Припадници на Шарената револуција пред почетокот на судењето се собраа пред судот за поддршка на нивниот активист.
-Продолжуваат притисоците врз луѓето кои секојдневно протестираа и протестираат против овој режим. Продолжуваат да се судат граѓани кои ја критикуваат власта додека криминалците шетаат слободно, уништуваат докази и траги од веќе сторени и вршат нови кримични дела!
Обвинителството на Зврлевски го товари Павле за учество во толпа што ќе изврши кривично дело. Оваа, прва кривична пријава за боењето на симболите на криминалниот режим во Скопје е уште еден обид за обвинителството и судството од тефтерот на Горде да делат селективна правда, се вели во повикот, објавен на Фејсбук профилот на Шарената револуција.