Претседателот Иванов итно да ја укине целосната аболиција на 56 лица, а потоа и да си замине од функцијата претседател, побараа на денешниот протест демонстрантите на Шарената револуција. Со главен транспарент „Хорхе, ти си срам за Македонија“, демонстрантите изразија револт за низата јавни настапи на Иванов, со кои што сметаат дека тој ја срами целата држава.
Шарањето на лицата со боја на демонстрантите започна традиционално пред Специјалното обвинителство. Оттаму колоната демонстранти се упати кон Триумфалната порта каде завршија балоните со боја. Граѓаните револтирано скандираа на кордонот од полицајци пред Портата, но полициските службеници се пволекоа настраан што започна бојадисувањето, за кео беше употребен и чатал.
Досегашниот заменик-министер за земјоделство Љупчо Николовски пред присутните порача дека власта попушта пред притисокот на Шарената револуција и затоа граѓантие мора да истрат во своите барања. Тој потсети и за сите скандали кои ги открил додека бил на функција во министерството.
– За жал или за среќа, шест месеци бев дел од узурпираните институции на Никола Груевски, во министерство кое тоне во криминал. Видовме како фалсификувале договори, како парите место кај земјоделците оделе кај медиумите блиски до власта, како пасишта се доделувале на новинари блиски до власта. Бидете сигурни дека ќе одговараат и парите ќе ги вратат во Македонија и на граѓаните, рече Николовски.
Демонстрантите не ги заборавија ниту членовите на Левица Здравко Савески и Владимир Куновски, кои се во домашен притвор поради демолирање на народната канцеларија на Иванов. Активистката Жаклина Мијалковиќ во пресрет на утрешното судење на членовите на Левица, притворентие демонстранти ги спореди со бели орли кои не се помируваат.
-Моите другари Здравко и Владимир утре имаат судење. Им се суди за нешто што не го направиле. Ќе ги искористам зборовите на мојот ментор, има два вида на луѓе: патки и орли. Патките постојано се жалат, а вторите се орли, ќе се вивнат високо и ќе го здогледаат пленот. Е такви се моите другари, решија да бидат орли и да не се помируваат. Јас сум убедена дека сите овие бели орли ќе успеат во намерата, на овие криминалци ќе им дојде крајот. Тие ќа завршат во Идризово, а ние ќе шетаме слободно, рече Мијалковиќ.
Активистката и актерка Симона Спирковска го потсети Иванво оти мора да ја повлече аболицијата и да си придонесе оставка. Освен тоа, во својот говор Спировска кон екс премиерот Груевски упати иронично „фала“, оти тој се пожалил дека никој не се забалгодарил за неговите проекти досега.
– Нема да ти ги заборавиме сите украдени медиуми, Тамара, Мартин, малтретирањето на студентите и средношколците.За сите ќе ни платиш Николај. Додека ти се бориш да си ја спасиш сопствената кожа, евентуално и кожата на батко ти Сашо, ние се бориме за демократија. Додека ти и фикусот го браните ајварот, ние ја браниме демократијата. Играјте си вие слободно со ајварот, ние ќе се погрижиме за се друго, порача Спирковска.
Протестот заврши мирно, со најава дека утре во 18 часот граѓантие повторно ќе се соберат пред СЈО.
Граѓаните обединети под Шарената револуција веќе осум недели преку протести бараат повлекување на целосната одлука за аболиција и оставка на Иванов, формирање на специјално одделение на Кривичниот суд за предметите на Специјалното јавно обвинителство, оставка на Владата предводена од ВМРО-ДПМНЕ и ДУИ, како и итно ослободување на притворените демонстранти. Дел од барањата се и вклучување на граѓанското општество во решавање на кризата и формирање на преодна влада.
Се до исполнување на овие барања, тие најавуваат дека нема повлекување од улица.