Шеесет и тригодишен охриѓанец е давеникот во Охридското Езеро  

Шеесет и тригодишен жител на Охрид е починатото лице, пронајдено вчера во водите на Охридското Езеро.

СВР Охрид денеска соопшти дека во 7:25 часот било пријавено дека во водите на Охридското Езеро кај комплексот „Горица“ било забележано едно повредено лице.

– Од извршениот увид било констатирано дека се работи за Н.Н.(63) од Охрид, кој паднал и починал. Смрт без траги на насилство констатирала екипа на Итната медицинска помош, а по наредба на Јавен обвинител телото било дадено на обдукција, стои во информацијата.

Од СВР Охрид ни изјавија дека ова е прва несреќа на охридското крајбрежје годинава.