Пратеничката и заменик-претседателка на СДСМ Радмила Шеќеринска ги отфрли како сосема неосновани обвинувањата на Димовски за кирија на стан од 5.317 евра.
Шеќеринска образложи дека се работи за сума која е надоместување од страна на фирмата на нејзиниот сопруг, за трошоци на станот, согласно политката на компанијата Дајнерс, каде тој има работен однос.
Илија Димовски од ВМРО ДПМНЕ претходно ја обвини дека пријавила во својот анкетен лист дека издава еден стан за годишна кирија од 3. 911. 641 денари и рече дека преведено во евра тоа значи дека од издавање на само еден стан Радмила Шеќеринска годишно остварува приход од 63.811 евра или 5.317 евра месечно.
Постојат три разлики помеѓу власта и опозицијата, едната од разликите мојата прес-конференција, а каде е генералниот секретар на на Владата на Македонија, каде е Јанкуловска, каде е Премиерот, каде е Ивона, каде е и Латас, другата е скриените имоти кои опозицијата и СДСМ ги откриваат на првите луѓе од власта, а третата е што СДСМ е опозиција а ДПМНЕ е власт, под чија контрола се сите институции задолжени за гонење криминал, изјави денеска пред новинарите, потпретседателката на СДСМ, Радмила Шеќеринска.
Таа вели додека власта изготвува случаи, Социјалдемократскиот сојуз открива документи скриени од власта, и вади на виделина врски помеѓу влијателни лица во медиумите и власта која што со нив ја купува поддршката со парите на граѓаните.
Потпрестедателката на СДСМ надополни дека вистината ќе излегува на виделина секој ден, и дека власта е нервозна бидејќи таа нема скриени средства, и доколку ги имала, изминативе осум години таа осум пати ќе била во затвор.