Околу 250 од британските најпопуларни актери, музичари, уметници и писатели дадоа поддршка на кампањата за останување во Европската унија.
Бенедикт Камбербач, актерот од серијата „Шерлок“ е дел од оваа уметничка унија која се потпиша на писмо во кое ги охрабрува гласачите да гласаат за ЕУ.
„Од најмалата галерија до најголемиот блокбастер, многу од нас работеле на проекти кои никогаш немале да се случат без фондовите на Европската унија или без соработка со актери од другите држави, пишуваа тие во писмото пратено пред неколку недели.
„Британија не е само посилна во Европа, туку и поимагинативна и покреативна, а нашиот глобален креативен успех ќе биде значајно ослабен со излегувањето од унијата“.
Режисерите Сем Тејлор-Џонсон, Дени Бојл, актерката Хелена Бонам Картер и актерот Доминик Вест, исто така, се поттпишаа на ова писмо.
„Од Шекспир до Боуви, британската креативност инспирира и влијае на целиот свет“, се вели во писмото. „Ние веруваме дека тоа што сме дел од ЕУ ја зацврстува нашата водечка улога на светската сцена.
По објавувањето на писмото наа 20 мај, по неколку дена премиерот Дејвид Камерон објави дека 94 проценти од припадниците на креативните индустрии сакаат да останат во Европската унија. Со вклучувањето на познати лица од оваа индустрија, кампањата „Внатре во ЕУ“ се надеваше да го зајакле нивниот аргумент дека останувањето во ЕУ не е само ограничено на економскиот и политичкиот импакт.
Џон Камфнер, извршниот директор на Креативната федерација на индустрии на Британија изјави дека без финансиската поддршка од европските фондови некои од најголемите филмски глобални хитови и добитници на Оскар не би биле никогаш снимени.
„ЕУ обезбеди финансирање на големи филмови како Slumdog Millionaire, The Iron Lady и The King’s Speech. Од друга страна, британската креативна индустрија е клучна за начинот на кој не гледа светот, а на нашата економија и носи 84,1 милијарда фунти.
Денеска околу 46 милиони гласачи излегуваат на референдум да се изјаснат дали се за останување или за излегување од Европската унија. Ова е прв референдум во Британија во изминативе над 40 години што е поврзан со Унијата. Анкетите покажуваат дека двата табора се со изедначени шанси за успех, а клучна ќе биде излезноста.