Published: Friday, March 20, 2020 22:43
Станува збор за лекарка, психијатар од болницата од Кавадарци и нејзиниот сопруг кај кого е потврден вирусот во приватната болница на Жан Митрев, но на прес конференцијата, иако пациентот беше во бројката од 19 случаи, Кавадарци како град беше испуштен да се каже
Потврдени се тестовите на двајцата сопружници од Кавадарци кои се позитивни на коронавирусот, а во процес на тестирање е уште едно лице од Кавадарци кое нема поврзаност со другите два случаи.Со ова бројот се зголеми на 76.
„Министерството за здравство информира дека попладнево се дијагностицирани 6 лица позитивни на коронавирус. Со ова вкупната бројка на регистрирани пациенти позитивни на коронавирус во земјата е 76. Во текот на денов, потврдени се и 2 сопружници од Кавадарци – позитивни на вирусот, а во процес на тестирање е уште 1 лице од Кавадарци кое нема поврзаност со другите два случаи.
Во Кавадарци каде што ова се први случаи, во текот на денот(петок) сите беа во исчекување на резултатите од двајцата сопружници, а во градот има голема вознемиреност. Станува збор за лекарка, психијатар од болницата од Кавадарци, која веројатно имала контакти со пациенти и вработените, и нејзиниот сопруг кај кого е потврден вирусот во приватната болница на Жан Митрев, но на прес конференцијаѕа, иако пациентот беше во бројката од 19 случаи, Кавадарци како град беше испуштен да се каже. Сопругот на лекарката пак, е директор на ЈП Македонски шуми во кое сега веројатно треба да се прави епидемиолошка анкета на вработените, за да се утврдат контактите.
Во болницата во Кавадарци цел ден беа во исчекување на резултатите и не беа превземени никакви мерки, болницата не беше ставена во карантин, а пациенти се примаа нормално. Директорот на болницата др. Диме Коцев и др. Ристе Јовановски од Центарот за јавно здравје за НОВА изјавија дека ги чекаат резултатите и инструкции како да постапат понатаму со решение.
„Чекаме официјални резултати од тестирање за потоа да видиме како да постапиме, што ќе ни наложи Санитараниот и здравствен инспекторат, кои мерки да се преземат и дали болницата ќе се стави во карантин“, изјави за НОВА др. Ристе Јовановски од Центарот за јавно здравје.
Досега се регистрирани заболени од Скопје, Дебар, Гостивар, Охрид, Штип и Кавадарци“, потврдија од Министертвото за здравство.