ВМРО – ДПМНЕ признава дека и мајката на Генералниот секретар на нивната Влада, Кирил Божиновски, има стан во зградата на скриени станови, вреден околу 120.000 евра.
Но, воопшто не е точно објаснувањето на ВМРО – ДПМНЕ, дека наводно Божиновски немал обврска да го пријави овој стан, затоа што не живеел во заедница со родителите.
Во анкетниот лист на Кирил Божиновски, освен околу 3.000 евра сопствен имот од продажба на автомобил, целокупниот имот што е наведен е имот на неговите родители.
Според логиката на власта, Божиновски во својот анкетен лист ИМАЛ ОБВРСКА да го наведе останатиот имот на своите родители, ама САМО СТАНОТ на неговата мајка во зградата на скриени станови НЕМАЛ ОБВРСКА да го пријави.
Вака ли ВМРО-ДПМНЕ ја толкува правната регулатива во Република Македонија, за свои потреби?
Дополнително, власта само потенцира дека Генералниот секретар на владата го сменил својот брачен статус но не наведува дали ја сменил и адресата на живеење и кога?
Дали власта крие дека можеби Божиновски се уште ја нема променето адресата на живеење, на улицата „Ленинова“, која е идентична со адресата на неговата мајка?
Зградата на скриени станови на функционерите на ВМРО-ДПМНЕ, на улица „Димче Мирчев“ број 20 во Скопје стана симбол на непотизам, корупција и криминал.
Во обид да го оправда својот висок функционер, Генерален секретар на Влада, ВМРО-ДПМНЕ пак дополнително го дозаплетка Божиновски во оваа афера со скриени станови.
Ако навистина не живее во заедница со неговите родители како што тврди ВМРО – ДПМНЕ, зошто тогаш Божиновски не го пријавил тоа во Антикорупциската комисија?
Доколку Божиновски навистина од 2012 година живее во друга семејна заедница зошто не го пријавил тој имот во својот анкетен лист?
Има ли Божиновски и друг непријавен имот, на пример на својот брачен другар?
Многу мајки во Република Македонија би сакале да чујат: Како тоа мајките на високите функционери на ВМРО-ДПМНЕ успеваат да заштедат стотици илјади евра и да купуваат станови во една иста зграда?
Станува очигледно дека поведени од искуството на Груевски и останатите високи функционери на ВМРО-ДПМНЕ успешно го продолжуваат серијалот, сокриј го својот стан позади својот син, или позади својата мајка, изјави Шилегов.