На денешната прес конференција, Мирослав Шиповиќ-претседател на Советот на општина Центар, реагираше на вчерашната изјава на советничка од ДПМНЕ и на написите и дезинформациите во некои медиуми.
„По кој знае кој пат повторно се лаже народот. Договор беше на седницата да се разгледа само ребалансот на буџетот, за да може општината да функционира, затоа тие и ги повлекоа 150-те амандмани, а на ново продолжение да бидат другите, веќе утврдени точки“, рече Шиповиќ.
Тој веќе го закажал продолжението на седницата за в четврток, 20јуни, во 0 8 . 30 часот, на која ќе се разгледуваат сите точки.
„Значи лагата и триумфалната изјава за некаква си победа на ДМПНЕ е само обична лага и дезинформација. Лага е и дека кога ќе биде усвоен ДУП-от, и ако продолжи да се гради црквата ќе била дивоградба“, рече Шиповиќ.
Претседателот на Советот јасно посочи дека градинката ќе се гради, а и училиштето. Прво е изработка на проект и следува изградбата .
„За разлика од ВМРО-ДПМНЕ, кои беа 13 години на власт и ова не го сторија, градоначалникот и Советот како што ветија, така и реализираат“, рече Шиповиќ.
Погледнете како советничката Даниела Рангелова го објави успехот на ВМРО – ДПМНЕ, вчера дека цркавата „Свети Констатин и Елена“ дека е спречена промената на ДУП-от