Маж од Грац бил каснат од питон додека седел на ВЦ школка.
Питонот бил домашно милениче на неговиот сосед, а завршил во неговата бања откако избегал низ канализацијата.
Полицијата соопшти дека мажот седел во тоалетот кога почувствувал дека некој го „штипнал“ за гениталиите и веднаш скокнал, а потоа открил дека од тоалетот го гледа албио питон, пренесува Daily Mail.
Мажот веднаш повикал полиција, која пристигнала со експерт за рептили кој ја отстранил змијата од местото каде што се криела.
Во меѓувреме, мажот поради полесни повреди е пренесен во болница .
Лекарите изјавиле дека питоните не се отровни, за среќа, но дека постои опасност местото на каснување да биде заразено со бактерии од тоалетот.
Експертот за рептили, Вернер Стангл, изјавил дека и питонот бил неповреден, а по чистењето му бил вратен на неговиот 24-годишен сопственик.
Сопственикот на змијата не бил свесен дека питонот избегал сè додека полицијата не го вратила, а тој рече дека не му било јасно како змијата успеала да избега.
Стангл изјавил дека во изминатите 40 години работа со влекачи, тој никогаш не видел ништо слично како вчера.
Полицијата соопшти дека сопственикот на змијата бил упатен до обвинителот за нанесување телесни повреди од небрежност, но дали ќе биде обвинет не е познато.