Бриселската полиција минатата недела откри ужасна слика на починат човек во фаза на мумифицирање. Цела една година неговата сопруга, 69 години, спиела до својот починат сопруг од 73 години, јавува белгискиот весник “Дерниер ер”.
„Мислевме дека смрдеата доаѓа од кантите за ѓубре на тој стан. Жената не излегуваше од станот веќе извесно време и сигурно е дека станот бил полн со ѓубре”, велат комшиите.
Брачниот пар не плаќал веќе една година кирија. Сопственикот на станот дошол да провери што се случува и ја открил ужасната слика. “Сум видел мртви лица… но никогаш во таква состојба! Жената спиела до него а во кујната, на пола метар од кујнската маса, беше и мртвото тело на нивното куче, изедено од инсекти. Кујнската маса беше чиста и очигледно дека жената таму јадела”, објаснува тој.
На полицијата жената и рекла дека нејзиниот сопруг си легнал претходната ноќ и починал. Претходно на сопственикот на станот му рекла дека нејзиниот сопруг е отсутен затоа што е на лекување.
Според лекарот човекот починал од природна смрт, најверојатно од астма но во тек е аутопсија на телото која ќе ги даде точните причини за смртта.
Жената не е лишена од слобода но прифатила да биде сместена во психијатриска болница.
Во изјавата на судски лекар Филип Боксо тој објаснува дека мумификацијата се случува за најмалку една недела. „Во овој случај телото скапало во креветот. Внатрешните органи се стопиле и сосема сигурно е дека имало течност која излегувала на сите страни и дека во креветот имало инсекти. Тоа било навистина ужасно”, вели лекарот.
Тој тврди дека смрдеата која доаѓала од телото луѓето често ја мешаат со смрдеата на ѓубре а во моментот кога мумификацијата настапува мирисот исчезнува. Лекарот вели дека знае три случаи на луѓе кои спијат со мртвото тело на сопругот или сопругата. „Тоа најчесто се луѓе со тешки душевни проблеми или пак постари сенилни луѓе. Некои од нив не сфаќаат дека другиот е мртов”, вели докторот.
(фотографијата е преземена од весникот Dernier Er)