Многу релевантни извори со конфузна грешка што не направија разлика меѓу белата маичка со долги ракави и белиот дрес со кратки ракави на дефанзивецот во мечот со Албанија
Тежок гаф на шпанските медуми. Речиси сите пренесоа вест за скандалозно однесување на Жерар Пике поврзан со неговата опрема во последниот настап за Шпанија против Албанија во квалификаците за СП 2018. Пишувања дека дефанзивецот на Барселона, наводно, го осекол шпанското знаме од ракавите на дресот се покажаа како превид. Мистеријата, сепак, е решена.
Кратките ракави на гостинските дресови на „црвената фурија“ завршуваат со црвена и жолта линија што го симболизира шпанското знаме. Но, шпанските медиуми не забележаа дека Пике впрочем бил во бел дрес со долги ракави, па избрзаа со забелешките дека дефанзивецот носи приватна бела маичка со долги ракави над која и дрес со кратки во отсуство на националните бои.
Дел од шпанските фанови ги искористија социјалните мрежи за напад на столбот на одбраната на Барселона и репрезентацијата кој и претходно беше во немилост на гледачи во одредени делови во земјата. Сега се испостави дека нивниот револт бил неправдан. Многу релевантни медиуми направија конфузна грешка што не направија разлика меѓу белата маичка со долги ракави и белиот дрес со кратки ракави, па упатија извинување за превидот и до фудбалерот и до јавноста.