Еврокомесарот Штефан Филе денеска во Стразбур ќе учествува во работата на пленарната седница на Советот на Европа. Непосредно по неуспешната лидерска средба тој вчера ненадејно допатува во Скопје, и си замина без да даде изјава за медиумите по одржаните средби со премиерот Груевски, претседателот Иванов и лидерот на СДСМ Црвенковски.

Како што дознава НОВА ТВ, Филе ги ставил на маса очекувањата за расплет на кризата – враќањето на опозицијата во Парламентот и фокусирање на решавање на проблемот со името.

Она што е суштински интерс на ЕК е да обезбеди коректен извештај за Македонија во март како и фокусирање на решавање на проблемот со името до јуни со што би се овозможило зелено светло за старт на преговорите.

Предвремени парламентарни избори во овој случај би можеле да се одржат по Европскиот совет во јуни на кој ќе се одлучи за тоа дали Македонија на есен стартува преговри или не.

Инаку, доаѓањето на Филе во Скопје ексклузивно беше најавено на НОВА пред неколку дена.

По посета на Скопје, на Филе на Твитер напиша: „Го посетив Скопје и имав отворени и искрени разговори со партнерите околу подготовките за пролетниот извештај“.