Претседателот на Совет на јавните обвинители Коле Штериев во интервју за Ноќното студио на Телма рече дека не размислува за оставка, по бројните критики и забелешки, откако Советот ја унапреди во обвинителството за организиран криминал внуката на неговата жена, а назад во основното обвинителството ја врати обвинителката која водела предистрага за сопругот на член на Советот.
Штерјев кажа дека не може да го коментира документот на членот на ДКСК, околу одлуката за именување за обвинител на неговата роднина, и според него е симптоматично како станал веднаш достапен во јавноста.
Исто така тој вели дека Марија Ѓоршева ја познава откако ја познавал сопругата, и додаде дека ги консултирал прописите и дека не бил во крвно сродство со внуката на неговата жена.
-Од морални причини гласав воздржано, но учествував затоа што без мене ќе немаше кворум за да се одржи седницата, вели тој и додава дека Марија Ѓорѓева била избрана со 7 гласа.