Љубиша Каранфиловски:
Анексот на договорот кој го потпишавме со министертсвото за здравство во ниту еден дел не препознава намалување на основната плата. Ние како самостоен синдикат за здравство гарантираме дека нема да има проблеми во овој дел и сметаме дека до мај 2014 лекарите специјалисти ќе добијат кумулативно покачување од 33 проценти. Самиот анекс на колективен договор е многу поразличен од проектот плаќање според сработено. Директорот на секоја клиника е должен на лекарот да му ја обезбеди основаната плата, без разлика како ќе се пресметува таа успешност. Ние како гранков синдикат во оваа ситуација бевме доведени во ситуација да го бараме излезното решение, за подоцна да го бараме правото, вистинското решение. Значи, со овој анекс на договор им дадовме императивна обврска на директорите да им ја обезбезбедат основната загарантирана плата на лекарите.
Калина Гривчева Старделова:
Со ваков колективен договор се врши преседан бидејќи тој задира во основната плата, а прави и дискриминација. Со потпишувањето на овој анекс на договор на нас ни се запали црвената сијалица, во делот на платите и моделот „плаќање според сработено“. Направивме многу обиди да не се чепка основната плата, но безуспешно. Ние цело време баравме модел со кој ќе се добие квалитетно здравство, да се постават норми во работењето во интерес на нашата и работа и секако на пациентите. Не се чувствуваме изиграни, малку бевме зачудени од тоа како медалот го доби некој што се наоѓал во публиката, а не еден од двајца боксери кои се бореле во ринг. Сакам да кажам дека тие што штрајкуваа, не добија ништо. Но, несакам да навлегувам во политика. Нашата идеја е да се направат реформи но, реформи кои ќе донесат квалитет, а не казни за лекарите.
Целиот разговор на оваа тема и за многу други прашања погледнето го на видеото во Студио на НОВА ТВ.