По наводите дека Европската комисија планира уште еден услов во извештајот за напредокот на Македонија кој треба да излезе наскоро, под името „медиумска култура“, тема на која се зборува месеци наназад, НОВА побара мислење за каква култура станува збор?
-Со оглед на се поголемото социјолошко и општествено значење на медиумите и на информациското општество, концепт кој што Европската Унија го негува некаде уште од 60-тите години, дури и се касни со воведувањето на ваков услов, смета Д-р Јасна Бачовска од Правниот Факултет во Скопје.
Според неа се работи за вредносните системи околу организацијата на медиумскиот систем, етичките стандарди, како и етаблирање на новинарското образование. Бачовска вели во поширок поим, се работи за регулирање на етичката и правната димензија на медиумите.
М-р Жељко Рутовиќ, помошник министер за култура во Црна Гора, медиумска култура претставува интерактивен однос помеѓу медиумите, јавноста и граѓаните, односно обезбедување на слободно работење на медиумот од една страна, и високи стандарди на самата медиумска индустрија од друга страна. Рутовиќ вели за медиумска култура е потребна солидна јавна дебата.
Според професор Д-р Дејан Донев пак, и покрај отвореноста на медиумите, јавна дебата во Македонија нема. Тој вели на Македонија и е потребна дебата како предуслов на демократско општество, а времето „не гази“, што доаѓа како причина да Европската Унија не потсети на тоа.
Инаку порака беше јасна уште кон крајот на јуни годинава, по спик-ап конференциите за медиуми во Брисел, и одговорите на портпарлот на Филе, Питер Стано, укажуваа дека е потребна медиумска свест, помеѓу новинарите, политичарите, аналитичарите, оние кои го создаваат медиумскиот простор во земјата.
Во време кога релевантни индикатори од типот на „Фридом Хаус“, на „Репортери без граници“ искажуваат загриженост за индекост на медиумска слобода и слобода на изразување во Македонија, прашањето е која е дефиницијата за „медиумска култура“? Што би било тоа?