Во средата наутро, со новинарите во Гренобл разговараше портпаролот на Михаел Шумахер, кој се уште е во кома по сериозната повреда на главата при скијање.
Сабине Кем , портпаролката на Шуми, изјави за новинарите пред болницата дека немало значителни промени во неговата состојба.
” Стабилно е, но сепак е во смртна опасност. Ноќта за среќа, помина без никакви компликации “, изјави Кем.
Од болницата, сепак денес не се очекува извештај за состојбата на германскиот возач.
Поддршка на легендата дадоа германската канцеларка Ангела Меркел, возачи на Формула 1, спортисти, претседателот на на ФИФА , Сеп Блатер, поранешниот претседател Бил Клинтон.
Шумахер беше повреден во скијање. Во болницата тој пристигна во несвест каде што лекарите во два дена спроведоа две операции за отстранување на хематомот, за да се намали внатрешниот притисок во мозокот.
Лекарите вчера изјавија дека тие се уште се загрижени за иднината на легендарниот возач и се уште не може да се каже дека ја добил битката, но дека ситуацијата е стабилна.