Експлозија одекна пред аеродромот во Кабул, каде илјадници луѓе се собраа во обид да побегнат од Талибанската власт во Авганистан. Официјалните лица сеуште не дадоа број за жртви, но сведоци за странските агенции изјавиле дека се чини оти неколку луѓе се убиени или ранети.
Некои агенции кои лиферуваат фотографии од местото на настанот, јавуваат за најмалку 13 мртви и многу повредени и дека експлозијата е дело на самоубиствен акт.
Западните држави предупредуваа дека во текот на денот е можен напад на аеродромот . Сомнежот за секој напад е насочен врз групата Исламска држава, а не врз Талибанците, кои беа распоредени на портите на аеродромот обидувајќи се да ја контролираат масата луѓе.
Пентагон ја потврди експлозијата, без информации за жртви.
Адам Кан, Авганистанец кој чекаше пред аеродромот, рече дека експлозијата се случила во толпа луѓе кои чекале да влезат на аеродромот. Кан, кој рече дека стоел на околу 30 метри подалеку изјавил дека се чини дека неколку луѓе се убиени или ранети, вклучително и некои кои изгубиле делови од телото.
Неколку земји ги повикаа луѓето да го избегнуваат аеродромот во текот на денот, а една од нив рече дека постои закана од самоубиствен бомбашки напад.