Си-Ен-Ен оценува дека изборот на Папата е изненадување бидејќи многумина очекуваа, Папата Франциско, како прва посета на Европа да ја избере Франција или Германија.
„Значајно е што во земјата што ја избра, муслиманите, католиците и православните работат заеднички, живеат заеднички и заеднички во мир ја водат државата“, нагласува Си-Ен-Ен.
Многу медиуми кои сериозно ја следеа посетата на Папата Франциско на Тирана, ја анализираат причината зошто Папата ја избра токму Албанија за прва негова посета на европска држава.
Една од највлијателните телевизии во светот, Си-Ен-Ен преку директен пренос на масата на плоштадот Мајка Тереза во Тирана, соопшти дека постојат две причини за оваа посета.
Првата е поврзана со страдањата на албанскиот народ од сите вери, во текот на комунистичката диктатура.
Аналитичарката на Си-Ен-Ен за Ватикан, Делаја Галагер, изјавила дека првата причина зошто Папата Франциско ја избрал Албанија е поради големите страдања на Албанците од трите религии, убиствата на христијанските и муслиманските свештени лица и уништувањето на верските објекти во текот на комунистичкиот режим кој траел 50 години.
Во Уставот на Албанија, цели 50 години религијата била забранета, а џамиите и црквите кои не биле уништени биле претворени во кина или музеј.
Албанија била прва земја која официјално се прогласила како атеистичка и поради таа цел, посетата на Папата треба да служи како возобновување на христијанството.
Си-Ен-Ен го нагласува фактот дека 56% од населението се муслимани и дека е многу важно, во земјата што ја посетува, муслиманите, католиците и православните да живеат заеднички, работат заеднички и заеднички во мир ја водат државата.