Виена: Реконструкцијата на последните часови од животот на младиот човек, чиј татко е заменик-градоначалник на Харков, е застрашувачка. Неговото тело било изгорено 80 проценти.
Случајот со бруталното убиство на 21-годишниот син на украински политичар во виенскиот Донауштад е решен.
Двајца осомничени Украинци беа уапсени во нивната татковина откога наводно го претепале момчето во подземната гаража на луксузен хотел, а потоа го запалиле во автомобилот. Истражителите веруваат дека мотивот бил финансиски, имено грабеж на криптовалути, пишува „Кроне“.
Виенската полиција потврди на прес-конференција дека уапсила 19-годишник и 45-годишник врз основа на меѓународна потерница во соработка со украинските власти и Европол.
Инаку, брутално убиенот беше пријавен за исчезнат од неговите родители минатата среда навечер.