Сирењето на „Здравје Радово“ со специјална назнака дека е продук од растително потекло.
Граѓанин кој утрово пазарел до редакцијата на НОВА ја испрати оваа фотографија снимена во еден голем скопски маркет.
Инаку НОВА пред пет дена објави дека во сирењето „Кришка“ на Здравје Радово е откриен висок процент на палмино, кокосово, рибино и билно масло. Ова го покажале испитувањата направени во референтна лабораторија кои Здружението на потрошувачите на Србија ги прави редовно.
-Во сирењето „Кришка“ на Здравје Радово се пронајдени дури 77 проценти на масти кои не се млечни. Производителот ги измамил потрошувачите наведувајќи во декларацијата дека во сирењето има полномасно кравјо млеко и јогурт, но никаде не пишува дека во него има палмино, кокосово, рибино и билно масло кои се пронајдени во испитувањата за квалитет на ова сирење, стоеше во соопштението на Здружението на потрошувачи.
Според нив производителот бил должен на декларацијата да ги напише сите состојки кои ги содржи сирењето, а според Европската регулатива само производите кои не содржат ништо друго освен млечна маст можат да се декларираат и нарекуваат млечни производи.