Сириската Државна агенција Сана повикувајќи се на извори од Министерството за надворешни работи објави дека сириската Влада на контролорите за хемиско оружје на Обединетите нации ќе им дозволи пристап до селата за кои опозицијата во Сирија обвинуваше дека биле бомбардирани со отровен гас.
Сеуште нема информации кога ќе започне истрагата источно од градот Дамаск.
Безбедносната состојба во областите каде се водат борби се смета за многу лоша. Опозицијата вчера се произнесе, дека таа би можела да ја гарантира безбедноста на експертите на ОН во областите на бунтовниците.
Владата и бунтовниците во Сирија меѓусебно се обвинуваат дека се одговорни за нападот со хемиско оружје минатата недела откако сириската главна опозициска група, соопшти дека во нападите на силите на режимот на Асад со хемиско оружје во околината на Дамаск, убиени се повеќе од 650 лица, нешто што сириската Влада категорично го демантираше.
Активистите наведуваа дека боеви отрови се употребени во предградијата Аин Тарма, Замалка и Џобар во регионот Гута. Тие тврдеа дека меѓу загинатите имало многу жени и деца.