Додека западните сили се трудат да се потврдат тврдењата дека сириската влада користела хемиско оружје оваа недела во североисточниот предградие на Дамаск, сириската влада ги обвинува бунтовничките сили дека го прават истото, јавува Си-Ен-Ен.
Државната телевизија во саботата објави дека сириските вооружени сили го опколија Јобар, опозициска област на работ на Дамаск, каде имаше 1300 загинати во раните утрински часови во средата. Неколку од војниците биле “задушени” од изложеност на гасови, откако тие влегоа во градот, според државната телевизија.
“Се верува дека терористите го користеле хемиско оружје во областа,” сириската телевизија извести, повикувајќи се на анонимен извор. Владата го користи терминот “терористи” за да се опишат бунтовничките сили.
Беше покажано видео на една соба во кое има гас-маски и гас канистри за кои Армијата соопшти дека беа откриени во складиште во Јобар. Си-Ен-Ен не може да ја потврди вистинитоста на наводите или автентичноста на видео.
Во меѓувреме, Велика Британија и САД се заканија на “сериозен одговор” ако се покаже дека е вистина дека Сирија користела хемиско оружје минатата недела.
Премиерот Дејвид Камерон и американскиот претседател Барак Обама зборуваа на телефон 40 минути во саботата.
И двајцата беа “сериозно загрижени” за “повеќето знаци кои укажуваат дека ова беше значаен напад со хемиско оружје извршен од страна на сирискиот режим”, канцеларијата на Камерон вели во соопштението.