Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Сите невини, кутри жртви на Боки 13

0
By Биљана Секуловска on August 3, 2019 ВЕСТИ
СПОДЕЛИ
Facebook Twitter LinkedIn Email
Published: Saturday, August 3, 2019 11:30

Во целата сага за наводниот рекет на Боки 13, имате неколку нивоа на паднати невини жртви и воедно, принесувања на олтарот на неколку жртвени јарци.

Велам наводен рекет, затоа што досега ништо не е докажано, ниту потврдено, ниту пак докрај истражено, што остава само простор за огромен сомнеж дека во позадината се кријат други, подземни мотиви.

Се говори дека се работи за извесни нечисти, мрачни сили кои се замешале, туркајќи ја земјава во политички и економски бездни, но на ум не ги имам евро-атланските и европските интеграции, ниту пак уништувањето на прогресивната сила на СДСМ – Зоран Заев. Не, не се работи воопшто за тоа.

Се работи за сосема поклучни и стратешки цели кон кои бил насочен ударот – најважната, за која се говори тивко, од уво на уво, не смее воопшто да се изговори, ниту пак соопшти јавно и затоа ќе мора да се премолчи, сè додека не се обелодени конечното уништување на земјава.

Во исто време, најголемите жртви се одамна познати невини лица – Боки 13 и Зоки Кичеец, кои во моментот се во притвор, но се надевам, со можност брзо да закрепнат од подземните удари на непознатите сили, и конечно да бидат пуштени на слобода да дејствуваат и понатаму, како и досега, за доброто на оваа вечна земја.

Втората жртва на смислените подметнувања е секако специјалната обвинителка Катица Јанева, чие име несомнено се злоупотребувало, но ниту таа, ниту пак некој друг, не може во целост да дојде до конечни сознанија – кои се тие лица и со каква корист се здобиле. Што веројатно е најдобро, да не се открие ништо, ниту пак да се истражува, затоа што само така може и понатаму жртвите да го добиваат статусот на херои – најмногу заради јунаштвото што не подлегнале на притисоците да проговорат.

Третата жртва е сведокот – Орце Камчев, кому му биле барани пари, милиони и милиони евра, а претпоставувам дека единствената цел била прагматична – за да не биде и понатаму невино гонет од втората жртва, Катица Јанева.

Таа пак, исто така била нечија жртва и несвесно и без видлива рационалност гонела луѓе, онака како што и било наложувано од некои непознати лица, за кои претпоставките се дека исто така биле жртви на некои повисоки, многу помрачни сили.

Во целата приказна имињата на Кирацовски и Ременски се намерно смислени, без воопшто да се приложат валидни аргументи и докази, со што, без дилеми, можат веднаш да бидат прогласени за жртви без дискусија. О, да,- можеби некој ќе помисли дека е сомнителен влезот на Ременски во тесното раководство на Меѓународниот сојуз Скопје на Боки 13, но таа секако дека била жртва на сопствената наивност, да влегува во разни партнерства, како и сите останати жртви- без да знаат што прават и со кого, пред сè .

Тврдењата за новите жртви го пополнуваат името на жената која подигнала 720. 000 евра – Лилјана Тодоровска, на која, како што таа тврди, веднаш, пред излезот на банката, и биле зграпчени парите од луѓето од Меѓународниот сојуз.

Последните имиња на жртвениот круг, кој не е целосно заокружен се веќе нам стари, познати фигури- како што е бизнисменот Силјан Мицевски, кој ги дал тие 720.000 евра, кој пак, веројатно е жртва на сопственото богатство, а тука не мислам само на финансиско, се разбира.

Следни жртви се министерoт за транспорт Горан Сугарески, градоначалникот Стефан Богоев и премиерот Зоран Заев – кои потпишувале или само договорале Меморандуми за соработка со веќе споменатите жртви Боки 13 и Јасна Мандиќ. Тие претпоставувам дека биле жртви на својата добрина и елементарна човечка милост – како политичари на кои им е даден мандат да располагаат со парите на граѓаните, да договараат давање на пари без да проверат финансиска и друга историја – пред сè на жртвите Боки 13 и Мандиќ, како раководители на Меѓународниот сојуз, кој пак, верувам, има почесно место во жртвената приказна, еднакво како и самата телевизија 1ТВ.

Стравувам дека вистинските намери да бидат извалкани сите овие споменати и евентуални нови жртви во оваа афера не можат да бидат објавени. Имам сила само да ја приложам сликата, засега, а развојот на настаните може да отвори нови врати и нови искушенија за конечната вистина за Македонија и неуништливата македонска нација.

 

 

 

 

 

 

 

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.