Специјалното јавно обвинителство денеска треба да го објави извештајот за работата во последните шест месеци. Извештајот во текот на денот треба да му биде предаден на претседателот на Собранието Талат Џафери и до претседателот на Советот на јавни обвинители, по што треба да биде закажана и собраниска седница.
Во извештајот треба да има повеќе детали за затворените 17 истраги и обвиненија против седумдесетина лица, за мерките барани од судовите за обвинетите функционери, за постапките во однос на обвиненијата, за соработката, но за и попречувањето на истрагите од државните институции и министерствата.
На 29 јуни СЈО ги предаде материјалите од сите обвиненија во Кривичниот суд. Катица Јанева рече дека обвиненијата се резултат на 10-месечната работа на нејзиното обвинителство.