Специјалното јавно обвинителство ќе поднесе жалба на одлуката на Кривичниот суд да ги одбие мерките за претпазливост за поранешниот премиер и лидер на ВМРО-ДПМНЕ Никола Груевски, градоначалникот на скопската општина Гази Баба Тони Јакимовски и поранешниот министер за транспорт и врски Миле Јанакиевски како неосновани.
Специјалното јавно обвинителство има рок од 24 часа по добивањето на решенијата да поднесе жалба на одлукaта нa Кривичниот суд.
Од СЈО за САКАМДАКАЖАМ.МК изјавиле дека се уште не ги добиле решенијата од Судот, а роковите за жалба почнуваат да течат кога решенијата ќе стигнат до СЈО.
Вчера доцна попладне судија за предходна постапка одлучи дека нема да се определат мерки за претпазливост за тројцата осомничени за случајот “ТНТ“ за уривање на објектот „Косомос“ на Фијат Цаноски, лидер на ПЕИ во 2011 година.
Одлуката ја донесе откако тројцата осомничени за случајот беа на распит и се изјаснија дека не се виновни.