Published: Friday, May 27, 2016 16:06
Секој што сторил криминал треба да одговара за своите постапки и сето тоа да се докаже во судска постапка, рече портпаролката на СЈО, Ленче Ристоска за НОВА ТВ, по обраќањето на претседателот Ѓорѓе Иванов во кое тој најави дека делумно ќе ја повлече аболицијата за 22 политички експонирани лица.
„Сметаме дека правдата не смее да биде оневозможена. Официјален став за тоа како ова ќе влијае на нашите случаи, ќе дадеме следната недела“, рече Ристоска.
Таа додаде дека не може да коментира во детали за ова делумно повлекување на аболицијата бидејќи засега немаат доволно информации за одлуката.
Од Специјалното јавно обвинителство велат дека како и претходно, така и сега не се обесхрабрени и продолжуваат со својата работа.