Премиерот Зоран Заев за случајот „Рекет“ изјави дека нема да дозволи, како што рече, „неколку криминалци, еден суетен новинар и еден педер да ја симнат оваа влада од власт“ кога на одбележувањето на 18 години Рамковен договор беше прашан од новинар дали знаел за рекетот на Бојан Јовановски – Боки 13.
„Јас сум човек борец и ќе продолжам да се борам за овие вредности до крај додека граѓаните ми даваат позиција. Јавно отфрлив секакви шпекулации и споменувања на моето име и целосно стојам зад тоа. Верувам во транспарентни, прецизни и брзи истрага и уште еднаш напоменувам дека јас сум човекот кој го пријави случајот, да не биде тоа заборавено. Секако дека нема да дозволам неколку криминалци, еден суетен новинар и, да ми извини ЛГБТ заедницата, еден педер да ја симнат оваа Влада од власт. Ќе се бориме до крај, секој што се инволвирал секако ќе си носи одговорност“, изјави Заев на одбележувањето 18 години од Охридскиот рамковен договор.
Заев рече дека верува во темелна и брза истрага за случајот „Рекет“, којашто ќе ги покаже доказите за, како што вели, секој случај, вклучително и за Катица Јанева, Зоран Заев и за кој било. Смета дека сега не е момент за предвремени избори со оглед на очекувањата за добивање датум за преговори за членство со Европската унија, повторувајќи дека октомври следната година е најидеален термин за избори.
„Верувам во транспарентни, многу прецизни и брзи истраги, посебно за ваквите случаи. Јавно отфрлив секаков вид шпекулации и споменувања со моето име и стојам целосно зад тоа. Оваа политичка гарнитура преку извршната власт создаде услови правосудството, Јавното обвинителство, да работи непречено без разлика дали некој бил газда на медиум што ја поддржувал власта, денеска тој е во притвор, изјави Заев.
Тој дополни дека презумпцијата на невиност треба да се почитува без разлика дали е некој инкриминиран и има индиции за некој што е на висока позиција како што е и специјалната јавна обвинителка Катица Јанева.
– Без оглед дали е таа или кој било законот мора да важи еднакво за сите. Затоа повторуваме постојано дека очекуваме темелна истрага, презумпцијата на невиност ни дава обврска на сите да не го квалифицираме никој дека е виновен без докази, но секаде каде ќе се утврдат докази, секој кој е инволвиран со земање пари што се појавува во тој скандал, секој кој го прекршил законот треба да си одговара, рече Заев.
На новинарско прашање дали се чувствува изневерен од Катица Јанева, Заев рече дека за него „е идиотски настапот засега согласно со досегашните докази“.
– Очекувам истрагата да ги покаже доказите за секој случај, вклучително за Катица Јанева, Зоран Заев, за кој било случај. Апсолутно, само така ќе покажеме дека има владеење на правото – изјави Заев, посочувајќи дека и народот чека разрешница која што смета дека ќе ја донесе истрагата, а сѐ друго, како што нагласи, е политиканство и политики.
Според него, актуелната политичка гарнитура многу одамна испратила порака дека кај неа нема политички калкулации, напоменувајќи дека и кај како и сите држави коишто создавале услови органите на прогонот да си ја вршат работата процесите не биле лесни, туку трауматични.
„ Секаде било трауматично. И кај нас не е лесно и е трауматично, но така ќе бидеме правна држава која што ја посакуваме сите“, рече Заев.
Во однос на шпекулациите, како што рече, коишто одат дотаму, обидувајќи се да го инволвираат во случајот, порача дека дошол на власт благодарение на гласот на граѓаните, борејќи се за слобода, демократија, правна држава, владеење на правото и нормална земја и оти ќе продолжи да се бори за тие вредности.
Прашан дали смета дека Јанева го изневерила рече дека „за него е идиотски настапот засега согласно со досегашните докази“. – Очекувам истрагата да ги покаже доказите за секој случај, вклучително за Катица Јанева, Зоран Заев, за кој било случај. Апсолутно само така ќе покажеме дека има владеење на правото, изјави Заев, посочувајќи дека и народот чека разрешница која што смета дека ќе ја донесе истрагата, а се друго, како што нагласи, е политиканство и политики.
https://www.facebook.com/MediumskaInformativnaAgencija/videos/740284433061616/?t=0