Лоша патна инфраструктура, негрижа за животната средина и културното наследство, и мал ефект од туристичкиот маркетинг на земјата – ова се областите во кои Македонија има најлоши оценки во последното истражување на “Светскиот економски форум” посветено на конкурентноста во туризмот.
Општото рангирање на Македонија е 75 во конкуренција со 140 земји во светот. Но, поединечните рангирања покажуваат сериозни слабости во одредени области, најлошото котираме во патната и авионската инфраструктура. Еве како одат некои од рангирањата по области.
Македонија не може да се пофали ниту со солиден однос кон животната средина. Ако по бројот на природни богатства земјата е помеѓу првите 50, во заштитата на истите следат ниски рангирања.
Изненадување има и во конкуретноста на цените. Во однос на аеродромските такси и цените по билети Македонија е помеѓу земјите со скапи и неконкурентни услуги или на 99 место од 140 земји, а во однос на цените на горивото се наоѓа на 87 место.
Иако владата потроши многу пари за реклами на светскиот телевизиски сервис СиЕнЕн, Светскиот економски форум во однос на ефектите од маркетингот на земјата, Македонија ја рангирал на 87 место. А во мерењето според заложбите на секоја влада да и даде приориет на туристичката гранка, Македонија на меѓу последните земји или на 110 место.
Едно од најдобрите рангирања на земјата е во делот на односот на домашното населените кон туристите. Македонија е на високото 4 место или пофално место во однос на тоа како народот ги третира странските туристи.
Најконкурентни туристички земји во светот трета година по ред се Швајцарија и Германија, а следат Австрија и Шпанија. Последни на листата се Бурунди, Чад и Хаити.
Миле Спировски, претседател на АТАМ (Асоцијација на туристичките агенции на Македонија) вели дека се согласува со рангирањата на “Светскиот економски форум”.
“Тоа се истите работи кои нам патниците, гостите, ни ги посочуваат како проблеми. Сето тоа си е така како што е напишано. Хигиената на многу многу ниско ниво, патната инфраструктура исто така, грижата за културното наследство е на тоа ниво како што е опишано таму. Иако морам да посочам дека некако се тргна од мртва точка, дека има надеж, но не доволно и ние овие проблеми постојано ги адресираме до надлежните”, вели Спироски за НОВА.