Штефан Крафт ја покори конкуренцијата во натпреварот во ски-скокови во Трондхајм. До шестата победа во сезоната, вкупно десетта во кариерата, Австриецот стигна со „летови“ од 138 метри во првата серија и 142,5 метра во втората што на крајот му донесоа 302 бода.
Второто место на норвешката скокалница го освои домашниот претставник Андреас Стјернен. За скоковите од 138,5 метри и 138 метри тој собра 294,3 бода, третото место на подиумот го резервира Германецот Андреас Велингер со 289,6 бода (133 метри/141,5 метар).
Штефан Крафт е водечки во генералниот пласман во Светскиот куп со 1.420 бода пред Полјакот Камил Штох со 1.334 и Норвежанецот Даниел Андре Танде со 1.181 бод.
Наредната станица во сезоната во скијачки скокови е во Викерсунд.