Објектите на булеварот Илинден, плоштадот Карпошово востание и Кејот со нови фасади e следниот проект на власта со Скопје 2о14, заради што градоначалникот на Скопје Коце Трајановски побарал од Советот во соодветната програма да бидат вметнати и овие објекти. Нема образложение дали е планот да бидат барокни.
Во образложението на предлогот Трајановски, кој советниците ќе го разгледуваат на следната седница, стои дека потребата за овие градежни зафати е поради дотраеноста на фасадите на градбите на тие локации, јавува Алфа.
-Заради нивната состојба има ургентна потреба од реконструкција и доградба на повеќето од објектите. Објектите се со сериозно оштетени фасади, а кај некои од нив е потребна и санација на конструктивниот систем, се вели меѓу другото во образложението на Градоначалникот Коце Трајановски до Советот.