Славниот Мартин Скорсезе уште од 1991. размислува за адаптација на романот „Тишина” од јапонскиот писател Шусаку Ендо и дури по 20 години, овој негов сон почнува да се реализира.
Според америкнскиот портал „Deadline“, проектот конечно ќе биде релизиран летото 2014 година, бидејќи се стекнале сите потребни, пред се’, финансиски услови.
Реномираниот филмски режисер се надева дека за овој филм – кој ја следи приказната на еден млад португалски свештеник кој оди во Јапонија, земјата на различни обичаи и религии, за си најде ментор, ќе успее да ги ангажира актерските ѕвезди Даниел Деј-Луиза, Бенисио Дел Торо или Гаел Гарсија Бернал.
Роман “Тишина” беше објавен 1966. и веднаш го стекна статусот на ремек-дело на светската книжевност. Писателот Шусаку Ендо, за оваа книга ја доби „Танизаки“ наградата за литература.
Инаку, Скорсезе неодамна го заврши снимањето на филмот „Волкот од Вол Стрит” (The Wolf of Wall Street) со Леонардо Ди Каприо во главната улога. Инспириран од вистинска приказна, филмот раскажува за брокер осуден на четири години затвор за измама, перење пари и даночно затајување на 250 милиони долари.