Кавга за државно земјиште во Вевчани. Околу 267 хектари под Стручкото село Вевчани има двајца закупци. Земјиштето е во државна сопственост, а Министерството за земјоделство истото го нуди на двајца сопственици, пишува СКУП.
Прво по јавен повик, кој се распишува во ситуација кога државното земјиште е веќе засадено, а тој земјоделец го нема добиено под закуп, а после истото земјиште е дадено на јавен оглас.
На јавениот повик се јавува фирмата „Еко проект“, управувана од Маја Алуалоска, ќерка На Митре Алулоски од Вевчани. На земјиштето во 2009 година се засадени лешници, а подоцна е спроведен и систем капка по капка.
Министерството за земјоделство, шумарство и водостопанство, тогаш раководено од Љупчо Димовски, сегашен пратеник од Социјалистичката партија, му одобрува на Митре Алулоски и неговата ќерка да го земат под закуп земјиштето под селото Вевчани. Му испраќа договор за закуп, кој семејството Алулоски го потпишува и го праќа на потпис во Министерството за земјоделие. Љупчо Димовски никогаш не го потпишал овој договор.
Во меѓувреме земјиштето го бара и градоначалникот на Вевчани Цветомир Угриноски, инаку вујко на пратеникот на ВМРО-ДПМНЕ од ова општина, Крсто Мукоски. Дел од земјиштето зема и Владимир Алулоски, сопственик на фирмата „Агро Лашко“.
Целата сторија на СКУПА може да ја прочитате тука.