Се подготвува и листа на пациенти чии интервенции беа откажани на клиниките. Овие пациенти ќе имаат приоритет од почетокот на наредната недела кога ќе почнат постепено да функционираат клиниките, информира министерот Филипче.
Од наредната недела започнува скринингот на првата група со кој ќе бидат опфатени вработените во градинките, во домовите за стари лица и здравствените работници. Веќе е завршен планот за скринингот на населението за детектирање асимптоматски групи на заболени од Ковид-19 од страна на Центарот за јавно здравје и Институтот за јавно здравје, информира министерот за здравство Венко Филипче на денешната прес конференција.
„Ќе се прават околу 400-500 тестови согласно индикациите за критични групи, преку PCR-тестови. Кога децата ќе се вратат во градинките, треба да бидеме сигурни дека нема асимптоматски носители на вирусот кај вработените во градинките. Истото важи и за здравствените работници и вработените во домовите за стари лица, тие се приоритетна група“, изјави министерот Филипче.
По нив ќе бидат тестирани вработените во полицијата, таксистите, вработените во јавните служби, возачите во автобусите на ЈСП, како и кај пациентите со биолошка терапија.
Земањето брисеви за скринингот ќе го вршат матичните лекари, а со почнување на работа на стоматолозите од понеделник, тестирањето ќе оди и преку нивните ординации.
Се подготвува и листа на пациенти чии интервении беа откажани на клиниките. Овие пациенти ќе имаат приоритет од почетокот на наредната недела кога ќе почнат постепено да функционираат клиниките, информира министерот Филипче.
„Овие пациенти ќе имаат приоритет и пред да им биде извршена интервенцијата, пред да бидат примени задолжително ќе бидат тестирани за да ги заштитат и останатите пациенти и медицинскиот персонал“, изјави министерот Филипче.
И системот „Мој термин“ се прилагодува на ваквиот начин на работа, рече Филипче. Во исто време се средуваа улиците во Клиничкиот центар, за да се искористи моментот додека таму нема пациенти, со што ќе се реши проблемот сос сообраќајниот хаос, рече Филипче.
Тој нагласи дека преку матичните лекари ќе ја промовираат апликацијата „Стоп корона“, која веќе ја имаат инсталирано 55.000 граѓани. Со помош на оваа апликација еидемиолозите имаат многу појсна слика за движењето на вирусот и откривање на кластерите.
Стигна и помошта од ЕУ, 20 монитори, уште дополнителни од нивната вкупна помош 25.000 маски N95, 100.000 хирушки маски, 750.000 пара раквици, 10.000 заштитни очила, со што вкупната вредност од оваа помош заедно со респираторите, кои стигнаа или ќе стигнат, достигна 3,2 милиони евра, истакна Филипче.
Тој посочи дека ќе стигнат и 20 респиратори од Норвешка и со нив и 20-те респиратори од ЕУ и 15 ги потврдивме преку УНДП има значајно зголемување на бројот на респираторни машини.
Филипче додаде дека тоа е многу повеќе од две третини од вкупниот број респиратори со кој располага земјава, тие соодветно ќе се распределат и тоа е едно значајно зајакнување на здравствен систем.