На 16 август во скопската Зоолошка градина же пристигнат двете слоници- Дуња и Даела. Од Зоолошката градина информираат дека нивните негователи веќе се во Белгија, каде што се запознаваат со животните и ќе ги придружуваат на нивниот пат кон новиот дом.
Дуња и Даела се првите слоници, кои по 26 години ќе живеат во Скопската Зоолошка градина, а за нив беше направено и ново живеалиште.
Новите жители на скопската Зоолошка градина одреден период ќе бидат во карантин околу еден месец додека да се адаптираат по што ќе бидат достапни за посетителите.
– Во моментов се чисти живеалиштето на слониците се средува и внатрешниот и надворешниот дел. Живеалиштето им е во индиски стил бидејќи една од слониците е азиска. Тие две слоници се најдобри другарки, а во ЗОО Скопје ќе живеат до шимпанзата. Нашиот тим на негуватели веќе се пристигнати во Белгија и учат како да се однесуваат со слониците, вели портпаролот на ЗОО Скопје, Тина Мицковски.
Дуња е азиска слоница и е најголемата од нејзиниот вид во Европа, а Даела е африканска слоница. Слониците се донација од Европската асоцијација на зоолошки аквариуми. Превозот од Белгија е обезбеден од Град Скопје.