Петмината обвинети во случајот „Ќелија“ добија по 5 години затвор, додека оџата од Чаир, Реџеп Мемиши е осуден на 7 години затворска казна за учество и организирање паравојска и регрутирање за борби во Сирија.
Останатите 5-мина биле дел од групата која учествувале во логистика и организирање на војниците за борба во Сирија, додека Судот ќе одлучува и за уште пет лица кои не признаваат вина.
Акцијата „Ќелија“ се одвиваше во повеќе градови низ Македонија.
Во февруари годинава, Основното јавно обвинителство поднесе обвинителен акт против 11 лица за предметот.
Обвинетите се теретеа за „учество во странска војска, полиција, паравоени или параполициски формации“.
Во полициската акција „Келија“ која беше спроведена на почетокот на август минатата година беа уапсени девет лица кои беа поврзани со регрутација и логистика за странски терористички организации, а во продолжението на истрагата беа уапсени уште две лица.