Смогот и големата магла „го затворија“ аеродромот во Скопје. Односно нема услови за полетувања и слетувања.
– Аеродромот во моментов работи, но поради големата магла нема можности за слетувања и полетувања, така што оние коишто се на распоредот се пренасочени кон аеродромот во Охрид, „Св. Апостол Павле“, или кон аеродромот во Софија, потврдуваат за НОВА од информацискиот пункт на „Александар Велики“.
Оттаму соопштуваат дека немаат информации до кога аеродромот нема да има можност да ги спроведуваат базичните дејности, поради тоа што не знаат до кога ќе има магла и смог.
Според информациите, „Александар Велики“ не сноси одговорност за транспортот на патниците, и сепак, авио-компаниите се тие кои што со свои автобуси имаат задача да ги пренесат патниците.
Смогот и маглата се веќе над една недела причина за малата видливост и во централните подрачја на главниот град. Граѓаните секојдневно бараат од надлежните институции да преземат конкретни мерки, а нелавдините организации упатуваат и молби до граѓаните и тие да преземат она што е во нивна моќ и да помогнат да се подобри ситуацијата со нискиот квалитет на амбиентен воздух во главниот град на Македонија.