Поранешниот аналитичар на ЦИА, Едвард Сноуден, кој откри информации за американската мониторинг-програма, побарал азил во дури 20 земји, посочува Викиликис.
Групата која го усвои Сноуден и неговата кауза, на својата веб страница објави дека нивниот правен советник Сара Харисон ги предала барањата за азил на официјален претставник на рускиот конзулат на аеродромот во Москва во неделата.
Според Викиликс, Сноуден поднел барања до Кина, Куба, Никарагва, Венецуела, Индија, Норвешка и уште неколку други земји од Европа.
Портпаролот на владата на Русија пак, констатираше дека Сноуден своето барање за азил до Русија го повлекол поради реакциите на претседателот Путин, кој изјави дека поранешниот член на ЦИА мора да престане со објавувањето тајни на САД доколку планира постојан престој во Русија.
Во меѓувреме, Норвешка, Финска, и Полса ги потврдија барањата на Едвард Сноуден.
Според претседателот на Венецуела пак, Николас Мадуро, такво барање до неговата земја не пристигнало, но Сноуден заслужувал заштита.