Откако живее на аеродромот во Москва од јуни, протекувачот од Националната агенција за безбедност Едвард Сноуден го започна својот привремен азил во четврток со престој кај Американци во руската престолнина кои ги сретнал на интернет, изјави неговиот адвокат, јавува Си-Ен-Ен.
“Тој направи многу пријатели тука – и одлично за него дека оние Американци кои живеат тука му се најдоа за неговата ситуација и беа во контакт со него”, изјави неговиот руски адвокат Анатолиј Кучерена.
Баран од страна на американските власти, Сноуден става висок акцент на неговата безбедност, сега кога тој може да шета слободно во Русија, според неговиот адвокат.
“Тој е загрижен за животот и здравјето, бидејќи тој верува дека луѓето од американската разузнавачка служба сега го бркаат”, рече Кучерена. “Ова е суперсила. И изјавите дадени од страна на Стејт департментот неодамна се заканувачки за него.”
Руското доделување на привремен азил на Сноуден – со кој тој може легално да остане во Русија за една година, изјави неговиот адвокат – ги разбесни американските официјални претставници, толку многу, така што тие размислуваат дали да се одржи планираниот состанок меѓу американскиот претседател Барак Обама и рускиот претседател Владимир Путин следниот месец во Москва, пред Г-20 собирот во Санкт Петербург, Русија.