Барајќи азил затоа што како што кажа, сака да му судат американските власти, Едвард Сноуден, кој протече информации за надзор на американските безбедносни служби, им рекол на еквадорските претставници дека стравува за животот од нехуман третман – дури и стравува од смрт – ако тој се врати во САД за да одговора на обвиненијата за шпионажа, изјави министерот за надворешни работи на Еквадор, јавува Си-ЕН-Ен.
Сноуден, како компјутерски стручњак ги објави деталите за тајните американски надзорни програми, му изјавил на еквадорскиот претседател Рафаел Кореа дека е “малку веројатно дека ќе има фер судење или хуман третман” ако биде предаден на американските власти да му судат, според писмото од Сноуден прочитано од страна на министерот за надворешни работи Рикардо Патино.
Американскиот државен секретар, Џон Кери, оцени дека за САД ќе биде разочарувачки доколку Русија и Кина му помогнале на Едвард Сноуден, да се извлече од обидите на американската администрација за негова екстрадиција од Хонг Конг. Зборувајќи во текот на посетата на Индија, Кери порача дека доколку двете држави тоа го направиле, ќе има неизбежни последици.
-Тој е обвинето лице, кој се товари со три кривични дела. Правниот процес во САД го бара неговото предавање и тие држави беа информирани за тоа. Знаете, историски ние знаеме дека отсекогаш имало некои држави кои се надвор од процесите и не знаеме каде ќе оди или каде би сакал да оди, изјави Кери.
Сноуден не ја напушти Москва како што се очекуваше за да замине на лет во Хавана, со што се отвори простор за прашања за тоа какви, доколку ги има, алтернативни планови за патување тој може да има направено, пишува Њујорк Тајмс и оттука, непознато е местото каде тој сега во моментов се наоѓа.
Исто така се покрена можноста дека руската влада го има лишено од слобода, или пак опцијата да се разгледаат барањата од страна на администрацијата на Обама да се интервенира и да го вратат во САД или можеби да го сослушаат за сопствени цели на Русија.
Г-дин Сноуден не е виден јавно, ниту пак е фотографиран откако е пријавено неговото пристигнување во Москва во неделата попладне од Хонг Конг а патниците на тој лет интервјуирани на аеродромот не можеа да потврдат дека тој бил во авионот.