Од моментот кога се реши да објави повеќе тајни класифицирани документи кон јавноста, тој беше решен да не бара заштита на анонимност. „Немам намера да се кријам бидејќи знам дека не сум направил ништо лошо“ рече Едвард Сноуден.
29-годишниот поранешен технички асистент во ЦИА, и сегашен вработен во американската фирма за технологија „Буз Ален Хамилтон“, работеше за Националната агенција за безбедност (NSA) во изминативе четири години на повеќе функции од кои се располага со информации од највисок ранг.
Како започнало се’ и која е неговата мотивација за откривањето на документите?
„Со мојата функција во канцеларијата, имав отворен поглед кон апсолутно се. Можев да ве прислушкувам вас, некој федерален судија па дури и претседателот. Во моментот кога ќе видете дека тука постои злоупотреба веќе се запрашувате дали припаѓате на тоа, и што е коректно?!“ вели Сноуден.
Според него луѓето заслужуваат објаснување за мотивацијата на луѓето кои ги носат одлуките, а во моментот кога се прави пресврт на моќта која ја има владата, тоа е директен удар врз демократијата.
Зборувајќи за својата безбедност, Сноуден за Гардијан објаснува дека сигурно не се чувствува слободен спротиставувајќи и се на, според него, најмоќната разузнавачка агенција.
„Ако сакаат да те фатат, ќе те фатат“, вели тој.
Но за него, живеењето во раскош и уживањето големи чекови со многу малку работа е против интересите на граѓаните.
На прашањето зошто за граѓаните треба да ги интересира тајните кои тој ги открил, Едвард Сноуден вели затоа што во секој момент се нагледувани.
„Дури и да не прават ништо лошо сепак се надгледувани, и при евентуален погрешен повик, нивните разговори можат да бидат разгледани и да се најде „обична дупка“ во нивните моменти од животот“.
Својот првичен престој во Хонк Конг го одбрал поради големата традиција на градот при слобода на говорот. Таму се чувствувал безбедно да ги искаже документите за кои тврди дека се од голема важност за луѓето.
По обвинувањата дека би можел да им помага на непријателите, поранешниот техничар во ЦИА вели дека не постои ништо што би го мотивирало за такво нешто.
„Живеејќи на Хаваи и на такви „рајски“ места заработувајќи толку многу пари, би требало да се запрашаат што е тоа што би ме мотивирало да одам против владата“, вели Сноуден.
Сноуден ќе остане во историјата како еден од најпоследователните информатори на Америка, покрај Даниел Елсберг и Бредли Менинг. Тој е одоворен за откривање материјал на една од најпознатите таинствени организации во светот – на Националната агенција за безбедност.