Со интервенции во електронскиот систем на Управата за јавни приходи за данок на добивка, вработени во УЈП меѓу кои и раководни лица свесно и намерно со интервенции им овозможиле на 37 фирми најмалку две години да не плаќаат данок на добивка.
Овие фирми биле отстранувани од листите за генерирање на опомени за наплата на долгови. Ако опомената за наплата на долгови не е испратени преку системот, нема основа за да се започнување на постапка за присилна наплата.
Како што објасни денеска на прес-конференција, в.д. директорката на УЈП, Сања Лукаревска, за да се овозможи ова била направена посебна програма за забрана на печатење на опомени за долгови по основ на данок на добивка. Со ова фирмите избегнале да платат милионски долгови.
Лукаревска рече дека сите фирми се од Скопје и дека освен приватни компании има и јавни претпријатија.
„Имињата на фирмите кои биле бенефицирани, не можеме да ги кажеме, затоа што според член 9 од Законот за даночна постапка станува збор за даночна тајна. Дел од фирмите се познати во јавноста и објавени на листата на должници на УЈП. Секој е должен да плаќа данок на начин утврден со закон. Никој нема да биде привилегиран и да одбегнува плаќање на данок. За сите инволвирани ќе бидат покренати постапки“, изјави в.д. директорката на УЈП.
Според овој член, службените лица од УЈП се должни како даночна тајна да ги чуваат сите документи, информации, податоци или други факти за даночниот обврзник до кои дошле во даночна, прекршочна или судска постапка.
Лукареска додаде дека засега се водат постапки за дисциплинска одговорност за двајца вработени во УЈП и најави дека проширување на истрагата и постапката.