Симболично со самолеплива лента на устите, новинарите во Црна Гора денеска организираа протест пред црногорската Влада во Подгорица поради „бројни нерасветлени напади врз новинарите“.
Претставничката на Синдикатот на медиуми, Душка Пејовиќ вели во Црна Гора е создадена атмосфера на неказнување на нападите врз новинарите, а за тоа најголема одговорност има власта.
Таа посочи дека демонстрантите бараат од Владата да ги поддржи измените во Кривичниот закон, да обезбеди дополнителна заштита на новинарите и да создаде услови за работа на Комисијата за истрага на нерасветлените напади врз новинарите.
„Стоп на насилството врз новинарите“, е една од акциите организирана од страна на Синдикатот на медиумите на 17 јануари, која служеше да се сврти вниманието на јавноста на атмосферата во која тие работат.
Црногорската Влада на 26 декември минатата година формираше комисија која ќе се занимава со следење на постапувањето на државните органи во истрагите на случаите на насилство и убиства на новинари.
Протестот се одвиваше под засилена полициска заштита и заврши без инциденти.