Документарниот филм „Собирачи“ од тимот на „Види Вака“ ја доби наградата „Гласник на невидливите“.
Наградата им се доделува и на новинарите кои пишуваат за социјални теми, поврзани со сиромаштија и социјална исклученост давајќи им глас на луѓето кои ретко имаат можност јавно да зборуваат за проблемите и се речиси општествено невидливи.
Филмот прикажува како рециклирањето во Македонија се одвива врз грбот на обичните граѓани , а другиот дел го работи бизнис секторот што од тие суровини прави бизнис.
Краткиот документарен филм ја следи животната приказна на 23 годишниот Мифтар Себин од Скопје, кој со своја количка собира пластика за да го прехрани своето семејство.