Војо Маневски: Пред Собранието ќе се собираат младите на народно собрание. Според најавите ќе се поставувале прашања, ќе се барале одговори и она што е најважно – ќе почне да се разговара за состојбите во државата. Она што е охрабрувачко е отсутноста на личниот печат на движењето или како и да се нарекуваат организаторите. Од месии и лидери на овој народ му е не преку глава туку и преку перчин. Секако ќе испливаат најелоквентните, но тоа не смее да биде главна одлика на организаторите. Политичките партии се плашат од непознатите лица, од лица кои не се во нивните евиденции. Прво се одвојува една или неколку личности па се бара можност за нивна дискредитација со што на крајот се дискредитира и новата политичка појава. Таа методологија е позната одaмна. Политичка а не партиска е опасноста за начинот на кој досега се практикуваше водењето на општествените процеси. Изгледа и затоа сме таму каде што сме, заглавени во тунелот на транзицијата.
Извор: ЦивилМедиа.мк