Социјалдемократската младина на Македонија (СДММ) неделава спроведува герила акција. Во села, во градови, на автобуски станици и во паркови и плоштад се дели неформален весник на партијата, кој ги содржи деталите од досега објавените „бомби“ на опозицијата.
„Да, вистината е омразена категорија од оние кои луѓето ги сметаат за “човечиња”, кои праќаат фамилии во “ендек”, кои се исмеваат додека други страдаат, од оние кои работеле за лични интереси или газеле по волјата на граѓаните со изборен криминал.
Неформалниот весник е оружје во рацете на вистината против режимот. Ако МРТВ не ги емитува снимките, младите социјалдемократи ќе го посетат секој граѓанин за да го информираат.
Ако провладините телевизии и портали спинуваат, СДММ со уште по засилено темпо ќе ја обиколува Македонија.
Ја споделуваме вистината, но и говориме за алтернативата. И внимателно слушаме за маките што граѓаните се поотворено ги споделуваат.
Овие недели чувствуваме енергија што ги обединува пазарџијата на тезгата, пензионерот на клупите во паркот, вработениот во администрација, полицаецот, охрабрениот студент. “ се вели во соопштението од СДММ.