Демонстрантите кои веќе 48 часа се собираат во бугарската престолнина Софија пред зградата на парламентот се појавија во костими за капење, за да се спротивстават на заминувањето на бугарските парламентарци на долготраен одмор.
Имено, пратениците се подготвуваат за 32 дневен одмор, по само еден месец работа во парламентот, jавува Макфакс.
За време на протестот демонстрантите извикувале: мафија, расипници, оставка, осудувајќи го заминувањето на парламентарците на одмор, и покрај економската и општествена криза во земјата.
Тие го затвориле влезот во собранието, а пред него поставиле базен, со што просторот пред парламентот го претвориле во плажа. За време на протестите ја повикувале заменичката-претседател на Парламентот, Маја Манолова да им се придружи на капење.
Еден од демонстрантите кој држел транспарент на кој пишувало „пратеници без срам”, вели дека денешниот протест пред најважната државна зграда во однос на тоа „како се работи внатре”, не се срамни.