„До овој момент нашиот правен тим подготви најмалку 350 нови приговори за нерегуларности на денот на изборите и најмалку дополнителни 15 евидентирани и документирани случаи на прекршување на изборниот молк од ВМРО ДПМНЕ, во саботата и неделата“, изјави пред новинарите Игор Ивановски од СДСМ.
Еве какви се форми на изборни неправилности од цела територија на Македонија се детектирани:
– На одредени лица им било ускратено правото на гласање затоа што некој претходно
гласал во нивно име.
– Откриени се масовни случаи на лица кои претходно биле запишани во Избирачкиот
список и поседуваат важечки биометриски исправи, а кои на денот на изборите на
избирачките места симптоматично ги немало во извадоците на списокот, иако претходно
сториле увид.
– Утврдени се случаи на новозапишани гласачи на адреса на веќе постојни гласачи.
– Евидентирано е семејно гласање, како и нарушена тајност на гласањето особено преку
случаи на фотографирање со мобилен телефон и јавно гласање на избирачки места.
– Агитирање, притисоци, закани и поткуп на гласачи на денот на изборите од претставници
на владејачката партија.
– Во сериозен број на избирачки места утврдено е дека недостасуваат гласачки
ливчиња што е предуслов за спроведување на контролирано гласање по принципот на
таканаречениот “бугарски воз“. Како потврда за ова говори и фактот што на дел од
избирачките места на денот на изборите претставниците на ВМРО ДПМНЕ во Избирачките
одбори и активисти биле фатени како крадат празни гласачки ливчиња за да ги изнесат и
предадат надвор.
„За голем дел од овие случаи, освен приговори и претставки до ДИК, ќе поднесеме и
кривични пријави затоа што сме убедени дека политичкото раководство на МВР тоа нема
да го стори“ , речи Иваносвки.
Тој истакна дека како никогаш досега врз нашите претставници и контролори во избирачките одбори е вршен невиден притисок за да не поднесуваат забелешки на процесот.