Ливерпул од 1990 година ја чека својата прва шампионска титула во Англија, а сезонава тргна фуриозно со осум победи по ред, најавувајќи дека ќе го прекине тридеценискиот пост.
„Црвените“ попладнево (17.30 ч.) имаат сериозен испит на гостувањето кај ривалот Манчестер јунајтед, кој бележи лоши резултати и се соочува со проблеми околу повредени играчи. Менаџерот на Манчестер, Оле Гунар Солскјер, пред дербито потсети дека неговиот клуб има две титули повеќе од ривалот, а ја искористи приликата и да го „боцне“ Ливерпул.
„Сигурен сум дека Јунајтед во догледно време повторно ќе биде шампион. Нема да чекаме 30 години. Добар резултат против Ливерпул може да промени многу работи и да влијае врз сезоната. Можеби на играчите им недостасува самодоверба, но ние сме Манчестер јунајтед и против секого одиме на три бода“, изјави Норвежанецот.