Немаме никаква одговорност ако дојдат ученици или дечиња во градинките. Ние ќе бидеме во посебни простории. Може директорите да ангажираат лица од установите кои не се наши членови, лица кои се со договори и се плашат да не останат без работа па не штрајкуваат, но тоа се, да речеме максимум 10 од 100, или некаде пет или 15 лица, да не генерализираме, рече Неделков.
Апелирам до Владата што побрзо да нé повика на преговори, што побрзо да сфати дека со ваков однос кон синдикатот на овие вработени во државата коишто имаат општествено значење и што се многу важни за нормалниот секојдневен живот и функционирање на државата, да нé повикаат да најдеме взаемно прифатливо решение. Да го одврзат ќесето, да ги исполнат барањата на синдикатот и работниците и што побрзо да отпочне редовната настава, порача денеска на прес конференција претседателот на Самостојниот синдикат за образование, наука и култура (СОНК), Јаким Неделков.
Тој нагласи дека генералниот штрајк ќе трае до исполнувањето на нивните барања за покачување на платите во образованието, а додаде дека одговорноста паѓа на Владата и на ресорните министерства, а тие како синдикат ќе се оградат од вината.
– Ќе се оградиме од нашата вина за загарантираното право на образование на учениците, тоа е затоа што Владата не ги исполни нашите барања. Не излезе со некаков предлог. Штрајкот ќе трае додека не се изнајде заедничко решение, а кога ќе биде тоа, не знаеме. Досега немаме никаков предлог, но нема да прифатиме ниту било каков предлог, рече Неделков.
Во врска со изјавите од Министерството за труд и социјална политика и од Министерството за образование и наука дека „образовниот процес мора да тече зошто децата имаат уставно загаранирано право на тоа“, Неделков рече:
– Немаме никаква одговорност ако дојдат ученици или дечиња во градинките. Ние ќе бидеме во посебни простории. Може директорите да ангажираат лица од установите кои не се наши членови, лица кои се со договори и се плашат да не останат без работа па не штрајкуваат, но тоа се, да речеме максимум 10 од 100, или некаде пет или 15 лица, да не генерализираме, рече Неделков.
