Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Состојбата на алтернативните радија во Македонија

24
By Нова ТВ on February 26, 2018 ВЕСТИ
СПОДЕЛИ
Facebook Twitter LinkedIn Email
Published: Monday, February 26, 2018 18:10

Алтернативните радио станици во Македонија се чини дека постојат единствено поради ентузијазмот на луѓето кои гравитираат околу нив. Она што е заедничко за трите радио станици на кои овој текст е посветен, е тоа што се стремат кон авангардна и квалитетна програма која не е широко прифатена од јавноста. Водителите во овие радија без исклучок се волонтери.

Радио МОФ

Радио МОФ е првото интернет радио во Македонија, кое е основано благодарение на идејата на неколкумина ентузијасти од невладината организација Младински образовен форум (МОФ).

Стефанија Тенекеџиева, координаторката на радиото вели дека ретко се случува да има платени реклами. Финансирано е исклучиво од грантови. Водителите на радио емисиите се волонтери кои работат од љубов.

Стефанија Тенекеџиева, координаторка на Радио МОФ

– Еден од најголемите предизвици би рекла дека е да бидеме повидливи во јавноста. Засега само преку Фејсбук ја промовираме нашата работа, и доколку Фејсук реши да не прикаже наши објави на повеќе корисници, паѓа и нашата видливост – вели Тенекеџиева.

Предизвик за Тенекеџиева е да  имамаат повеќе подкасти, влогови, видеа, бидејќи сакаат да бидат во тек со светските трендови.

Радио МОФ во главно пополнува празнини, отстапува простор за оние теми кои не се доволно застапени во јавноста и за кои во мејнстрим медиумите нема место.

– Се трудиме да ставиме акцент на теми кои не се толку застапени – вели Тенекеџиева.

Велат дека имаат одлична соработка со институциите, кои понекогаш на нив гледаат како на деца, поради нивната младост.

– Јас лично сметам дека треба да бидеме присутни во мултимедијални производи. Одиме на квалитет, а не на квантитет. Не зависиме од кликови, од реклами. Не ја труеме јавноста со секакви вести само за да се избориме за повеќе кликови – вели Тенекеџиева.

Интернет радијата се сива зона. Радио МОФ не е регулирано од АЕК.

Скоро сите водители во радиото се аматери. Радио МОФ има отворени врати за сите кои сакаат да водат емисија, да учат како се работи во радио, или било како да учествуваат во работата на радиото.

Радио МОФ има организирано и тренинзи за медиумска писменост, граѓанско новинарство и слично.

Џез ФМ

Парите се најголем предизвик со кој се соочува македонското Џез радио кое постои веќе две децении. Во моментот само еден човек работи во радиото.

Според Хаџи Стефанов Џез.фм најдобрите години ги доживеал во периодот помеѓу 2004 до 2006 година, но не може да дефинира на што се должи тоа.

Ален Хаџи Стефанов

Пред неколку години во МКЦ се одржа настан „Спаси го Џез.фм“ на кој требаше да се соберат финансиски средства, кој Хаџи Стефанов го оценува како комплетно неуспешен.

– Тој настан се случи во алармантно време – се присетува Хаџи Стефанов.

Преку тоа уште еднаш се докажа дека македонската јавност се уште не е зрела за краудфандинг на медиумите.

И покрај тоа што ова радио е меѓу најпочитуваните од слушателите, сепак институциите го игнорираат. Ален Хаџи Стефанов е горд што и покрај се Радиото уште постои и оваа есен ќе прослави 20 години постоење. Во Радиото максимално работеле пет луѓе во ист период. Тие секогаш работеле волонтерски и од љубов.

Радиото не добива никаква поддршка од државата, а сепак ЗАМП наложува во програмата да биде опфатена и 40 отсто македонска музика.

Хаџи Стефанов веќе изгубил надеж во институциите, па веќе не им се ни обраќа.

Сепак се присетува дека во минатото кога ќе се обрател до Министерството за култура, од таму воопшто не ни добивал одговор и бил тотално игнориран.

Младите се незаинтересирани да учат од неговите искуства и никој не му се обратил за да научи нешто за неговата работа.

Џез.фм е всушност приватен бизнис. Радиото го основал неговиот татко Љупчо Хаџи Стефанов, а сега за радиото се грижи Ален.

Работата на Џез.фм е под надзор на АВМУ.

Канал 103

Култното авангардно радио Канал 103 кое е сместено во зградата на Македонската радио телевизија, годинава слави 27 години постоење. Во краткиот филм „Фотофиниш“ на Огнен Димитровски, кој беше дел од филмот „Скопје Ремикс“ во 2012 година, претставени се проблемите со кои радиото се соочува на дневна основа, а тоа е притисокот од секоја власт низ годините. Во 2004 година, кога на чело на МТВ беше Гордана Стошиќ постоеле неуспешни напори за затворање на радиото, а во 2015 година 103ка повторно беше мета на притисок од тогашниот режим. Тоа беше кога генералот Стојанче Ангелов инсистираше МТВ да ги објави „бомбите на Заев“, а раководството на телевизијата го игнорираше, при што водителите на 103ка го поканија во радиото, но беа спречени да го примат во студиото од полицијата која направи упад додека се емитуваше програма во живо. Се чини дека секоја власт во Македонија е против радиото. Еден мој пријател во една прилика рече дека природно е раководните лица на МТВ да сакаат да го затворат радиото, па се пошегува дека дури и Мирко Попов да стане директор на Македонската радио телевизија и тој ќе сака да го затвори. Затоа, за 103ка разговарав токму со Попов.

Миксетата на 103ка

Мирко Попов кој повеќе од 20 години е дел од радиото вели дека Канал 103 е култно скопско алтернативно радио, со уникатна историја и комплетно независна уредувачка политика.

– Радиото е под постојан удар на центрите на моќ кои не се во состојба да го контролираат, па борбата за опстанок и задржување на оригиналниот концепт претставуваат континуиран предизвик за нас. Радиото се подготвува да прослави 27 години работа и се обидува да се редефинира според најновите социо-културолошки услови на теренот. Работиме без никакви финансии на волонтерска база и постојано сме во потрага по нови идеи-дози на ентузијазам кои се неопходни за продолжување на приказната – вели Попов.

Попов вели дека Канал 103 има стабилна слушаност, која не е мерлива со останатите радио станици по нивните параметри за слушаност.

Мирко Попов

Тој потврдува дека имало многу обиди за исклучување на радиото, а ниеден не бил успешен.

– На разноразни начини, а некои и незамисливи за обичниот граѓанин, Канал 103 секогаш успеа да излезе како победник против најголемите политички моќници кои во даден момент сакаа да му го скратат јазикот. Шака маргиналци без контрола? Think twice – вели Попов.

На прашањето, дали новата политичка состојба во државата го олеснува работењето на 103ка, Попов вели дека било која политичка состојба, било кога, не само што не го олеснува, туку и сериозно ја отежнува работата на Канал 103.

– На ниедна политичка гарнитура која досега дошла на власт во Македонија, не и одговарало независен медиум со сопствена уредувачка политика, кој поттикнува критичко размислување и алтернативна култура. Никогаш не сме биле адекватни за турбо фолк елитата и нивната култура на примитивизам која ја поттикнувале преку сопствените пропагандни машини. Всушност ние сме комплетна спротивност на тоа миље и затоа сакаат да не замолчат. За среќа тоа за сега не им успева. Искрено се надевам дека новата власт ќе успее да има слух за подобро разбирање на културата која ја застапуваме, или барем да не остават на мира – се надева Попов.

“Проектот е финансиран од Европската унија преку програмата за мали грантови „Заштита на медиумските слободи и слободата на говор во Западен Балкан“ имплементиран од Здружението на новинари на Хрватска како дел од Регионалната платформа за застапување на медиусмките слободи и безбедност во Западен Балкан во партнерство со шест организации од регионот (Независното здружение на новинари од Србија, Здружението на новинари од БиХ, Хрватсото здружение на на новинари, Здружението на новинари од Македонија и Унијата на медиумите од Црна Гора”. 

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.